Ruwanmali saa wandana kavi
01. මුනිඳු ගෞතම අප තිලෝගුරු - බුදුරැසින් ලොව දසත විහිදූ
සුමුදු බුදුවදනින් සදා සෙත - ලොවට සිරි සැප සතුට සෑදූ
පුබුදුවන මුනි ගුණය කැටිකොට - රුවන්මැලි මහ සෑය සෑදූ
ද්රෝණයක් මුනි ධාතු වඳිනෙමු - දෑත නළලේ තබා සාදූ
02. සසර භව දුක නසා ලොව්තුරු - අම නිවන් සිරි සැපත සෑදූ
විසිර තිලොවේ පැතිර පවතින - නිමල සම්බුදු වදන් පෑදූ
සොඳුරු රන්මැලි සෑයෙ වැඩහිඳ - නිතින් සුදු බුදු රැසින් විහිදූ
ද්රෝණයක් මුනි ධාතු වඳිනෙමු - දෑත නළලේ තබා සාදූ
03. නේක සුවඳින් යුතු කුසුම් ගෙන - සෑය බඳ වට සරසවන්ටයි
සෝක දුරුවන සෑසි මුනි ගුණ - රැුඳුණු කොඩි වැල් එහි වෙලන්ටයි
ලෝකයට ආලෝක ලැබ දුන් - මුනිඳු සෑයට එළිය දෙන්ටයි
රුවන්මැලි මහ සෑය සරසා - සාදු නාදෙන් ගිගුම් දෙන්ටයි
04. දෙව් බඹුන්ගේ වන්දනා මැද - සෑසි මුනි ගුණ ලොව දිලෙන්ටයි
සව් සතන් සිත් පහන් වී හැම - සියලූ කරදර පහව යන්ටයි
සිව් අරීසස් දහම් ගුණ රැඳි - රුවන්මැලි මහ සෑ පුදන්ටයි
පව් නසා ලෙව් සැප සදා ලන - ද්රෝණයක් ධාතුන් වඳින්ටයි
05. නා ලොවේ නා රජුන් නිතියෙන් - පිදුම් ලද මහ සෑ වඳින්ටයි
පෑ විකුම් ගුණ තේජසින් නිති - රුවින් බුදුරැස් විහිදුවන්ටයි
සෑය රන්මැලි තෙදින් බබලන - මල් පහන් සුවඳින් පුදන්ටයි
ද්රෝණයක් ධාතුන් වඳිම් මම - නිතින් බුදු සරණම ලබන්ටයි
d
06. මහ බඹුන් සිව් වරම් දෙවිඳුන් - සුමන සුරිඳුන් සෑ වඳින්ටයි
දෙව් බඹුන් පිරිවරා සක් දෙව් - මදාරා මල් කැන් පුදන්ටයි
නිල් ගුවන් තලයේ සුරන්ගෙන් - පිදෙන මල් සෑයට වැටෙන්ටයි
සාදු සාදු පින් පුරාගෙන - සිව් අපායෙන් අපි මිදෙන්ටයි
07. වළාකුළු සේ සෑය වටකොට - සුදින් බබලන සෑ වඳින්ටයි
අලාමක මුනි ගුණට නතු වී - නෙළුම් කුසුමින් සෑ පුදන්ටයි
මුළා නොවනා මඟක් පැවසූ - උතුම් සම්බුදු බණ අසන්ටයි
ගලා හැලෙනා සාදු නාදෙන් - රුවන්මැලි මහ සෑ පුදන්ටයි
08. විදා හල බුදුරැුසින් බබලන - අහස සිඹිනා සෑ වඳින්ටයි
නිදා සිටි කොවුලන් ද අවදිව - උතුම් සම්බුදු ගුණ ගයන්ටයි
මුදා හරිනා බුදු රැසින් නිති - සියලූ ලෝ ගැබ බබුලූවන්ටයි
සදාකාලෙන් සදාකාලෙට - රුවන්මැලි මහ සෑ වඳින්ටයි
09. මහාමෙව්නා උයනෙ වැඩ හිඳ - සුදෝසුදු එළියෙන් දිලෙන්ටයි
මහා මුනි ගුණ කඳින් බැබලී - හුදෙකලාවේ සුව විඳින්ටයි
කහාවණු පැහැ දිලෙන මේ මල් - සෑය වටකොට සරසවන්ටයි
වහා වැටහෙන නුවණ ලැබුමට - රුවන්මැලි මහ සෑ වඳින්ටයි
11. රන් වනින් දිලෙනා පහන් සිළු - සෑ රදුන් හට නිති පිදේවා
මන් තුටින් සුවඳින් පුදාගෙන - සෑය වට හැම සුවඳ දේවා
කන් පිනා යන උතුම් බුදු ගුණ - දනන් තුඩ තුඩ නිති ගැයේවා
පින් පුරා ගෙන ගෙවන සසරේ - නිමාවන දිනයක් පෙනේවා
සාදු! සාදු!! සාදු!!!
No comments:
Post a Comment